நீங்கள் ஏழையா பணக்காரரா என்பதை முடிவு செய்வது…

  • உங்களைச் சுற்றி மலரும் புன்னகை
    உங்களைப் பற்றி நெருங்கும் நண்பர்கள்
    நீங்கள் பழகும் மனிதர்களின் தரம்
    உங்களுக்கு இருக்கும் சிந்தனை வளம்
    நீங்கள் உறுதியாய் பின்தொடரும்

    கனவுகள்
    நீங்கள் பரப்பும் அன்பின் உணர்வுகள்

  • மற்றவர் மனதில் நீங்கள் விளைக்கும் தாக்கம்
    சோர்ந்தவர்களுக்கு நீங்கள் கொடுக்கும் ஊக்கம்
    கலந்து பழகும் கனிந்த இயல்பு
    முடிவெடுப்பதில் இருக்கிற தெளிவு
    வேண்டாதவற்றை விளக்கும் துணிவு
    சொல்லில் செயலில் வெளிப்படும் பணிவு
  • உதவி செய்வதில் காட்டும் நாட்டம்
    செயல்படுவதில் இருக்கும் வேகம்
    குறிக்கோள்விட்டு விலகாத கவனம்
    தோல்விகள் வருகையில் தளராத இதயம்
    சமரசம் செய்யாத இலட்சியப் பிடிப்பு
    முயற்சியைக் கைவிடாத முழு முனைப்பு
  • இருப்பதைப் பகிர்ந்து கொடுக்கிற உள்ளம்
    தேவைக்கு அளவாய்த் தேடும் செல்வம்
    மரத்துப் போகாத மனிதப் பண்பு
    சுயநலம் இன்றி சுடர்விடும் அன்பு
    பொதுநலன் கருதி உழைக்கும் பரிவு
    குறுக்கு வழியில் இயங்காத அறிவு!

Leave a Reply

Your email address will not be published.